Hit-maker wa Me and You, Ommy Dimpoz jana alifunguka kwenye semina ya fursa ,mjini Mtwara iliyoendana sambamba na Serengeti Fiesta kwa kumsifia Mnyama TID kama mmoja wa watu waliomsaidia kwa namna moja kumfikisha alipo sasa

Ommy alikuwa mmoja wa wasanii walioongea kwenye semina ya fursa iliyohusaiana na wakazi wa Mtwara kutumia fursa walizonazo kwa maendeleo yao.

“Ukitaka kufanikiwa lazima utumie fursa zilizopo mimi TID nilikuwa naimba kwake kama back vocalist lakini watu walikuwa wananisifia naweza kuimba,kwahiyo kwa namna moja TID amenisaidia sana katika harakati za kukuza muziki wangu. Ngoma yangu ya kwanza “Nai Nai” watu walishangaa huyu alipata wapi pesa ya kurekoni na kweli nilikuwa sidaiwi hata mia kutokana nilitumia fursa vizuri, kwahiyo hata wewe unaweza kamata fursa twenzetu,” alisema Ommy.